Арнаның сайтында жария­ланған ақпаратта «Жаңа мау­сымда жаңа телешоу, бағдар­ламалар, кинолар мен теле­хикаялар, сон­дай-ақ деректі фильмдердің циклы баста­лады. Әрі осы уақыт­қа дейін көрермен көзайы­мына айна­лып үлгерген бағдар­ла­ма­ларымыз жаңар­тылып, жаңа­ша фор­матта ұсы­нылады», – дейді арнаның Бағдарламалар дирек­торы Сандуғаш Рақым­жанова.
Уақыт кеңістігінде зы­мы­рап, со­нау бір өткен жыл­дар­дағы ескі әуен ырғағын ес­тігісі келетін көрерменге «Сол бір кеш...» бағ­дарламасы ұсы­ны­лады. Шығар­машылық кеште ән авторы мен орын­даушысы туынды­ның шығу тарихы және ең алғашқы рет түпнұс­қада орындалуы жайлы әңгіме­леп береді. Ал «Битва умов» шоуында қа­тысушылар сұрақтарға қызықты жауап беріп, ақыл мен тапқыр­лығын сынға салады. Ал отба­сымен бірге рия­сыз күлкіге бөленіп, көңіл күйін көтергісі келетін көрер­мен әзіл мен қызық оқи­ғаларға толы, «25-ші шақы­рым» телехикая­сының жалға­сын тамаша­лайды.